Երկուշաբթի

Կենգուրու

Ըստ լեգենդի «կենգուրու» անվանումն առաջացել է այն բանից հետո, երբ Ջեյմս Կուկը՝ տեսնելով մի ագեվազ հարցրել է տեղացիներից մեկին կենդանու անունը, վերջինս էլ իր բարբառով պատասխանել է՝ «կեն գու րու», ինչը նշանակում է «չեմ հասկանում քեզ». Կուկին թվացել է, թե տեղացին կենդանու անունն է ասում։ Այդպես կենդանին կոչվել է կենգուրու։ Կենգուրու հայերեն ագեվազ է կոչվում, որը կազմված է ագի և վազ արմատներից, այսինքն՝ պոչով վազող կենդանի։ Այս կենդանիները մեր օրերում հանդիպում են Ավստրալիայում: Կենգուրուներն ապրում են միջինում 6 տարի։ Այս կենդանիների առջևի թաթերը չափազանց նման են մարդկային ձեռքերի: Դրանց միջոցով կենգուրուները հողն են փորում: Կենգուրուները կարողանում են մինչև 3 մետր գետնից բարձր ցատկել, բայց իրենց կառուցվածքի պատճառով չեն կարողանում վերևից ներքև ցատկել։ Նորածին կենգուրուները 6-ից 8 ամիս ապրում են մայր կենգուրուի պարկի մեջ. նրանք այդ ընթացքում այնքան թույլ են լինում, որ անգամ չեն կարողանում ինքնուրույն կաթ խմել: Եթե նորածին կենգուրուն չկարողանա մտնել մայր կենգուրուի պարկի մեջ, ապա նա դատապարտված է մահվան. բանն այն է, որ մայր կենգուրուն ունակ չէ գետնից վերցնել ու պարկի մեջ դնել իր ձագուկին, բայց կարող է պարկից դեն նետել հիվանդ ձագին, որպեսզի հետագայում առողջ ձագեր ունենա: Մեծ ականջների շնորհիվ կենգուրուները շատ լավ են լսում, երբ նրանք ուզում են տեղեկացնել իրար վտանգի մասին թաթերով հարվածում են հողին:  

Առաջադրանքներ

1․ Տեղացիների լեզվով ի՞նչ էր նշանակում կենգուրու։
Կենգուրու բառը տեղացիների բարբառով նշանակում է <<ես քեզ չեմ հասկանում>>

2․ Եթե նորածին կենգուրուն չկարողանա մտնել մայրիկի պարկը, ի՞նչ կկատարվի նրա հետ։
Նորածին կենգուրուն եթե չկարողանա մտնել մայր պարկի մեջ, ապա կմահանա։ Քանի որ մայր կենգուրուն չի կարող իր ձագին վերցնել գետնից ու դնել պարկի մեջ։

3․ Կենգուրուներն իրենց թաթերով ի՞նչ կարող են անել։
Երբ կենգուրուները թաթերով հրվածում են հողին, ապա տեղեկացոնւմ են որ վնանգի մասին։

4․ Կենգուրու հայերեն ինչպե՞ս կասենք։
Կենգուրու հայերեն կոչվում է ագեվազ։

5․ Տեքստից գտեք հետևյալ բառերի հականիշները և դրանք գունավորեք՝

ցածր- բարձր

ուժեղ-թույլ

առողջ-հիվանդ

քիչ-շատ