Մենք էլ ենք բնության մի մասնիկը

Опубликовано 13 марта, 2019

Մեզ հիացմունք են պատճառում երկնքի աստղերը, բարձր լեռները, հարթավայրերը, օվկիանոսները, գետերը և այլն: Զարմանալի է նաև բույսերի և կենդանիների աշխարհը: Բայց երկրագնդի վրա ամենայուրահատուկը մարդն է: Մարդը ևս կենդանի բնության մաս է կազմում: Ինչպես մյուս կեն­դանի օրգանիզմները, նա նույնպես շնչում է, սնվում, աճում, զարգանում, ունենում երեխաներ: Դրա համար էլ մարդուն անհրաժեշտ է օդ, ջուր. լույս, ջերմություն, սնունդ: Առանց բնության մարդը չի կարող գոյություն ունենալ, ապրել և աշխատել: Մարդն ապրում է գրեթե ամենուր՝ ծովափերում և լեռներում, երկրագնդի տաք և ցուրտ վայրերում,  անջուր անապատներում և փարթամ անտառների հարևանությամբ: Նա օգտվում է բնության բարիքներից, ինչպես մյուս կենդանիները: Բայց, ի տարբերություն նրանց, մարդը ստեղծում է այդ բարիքներից օգտվելու գործիքներ, մեքենաներ, սարքեր: Որովհետև մարդը բնության միակ բանական, այսինքն՝ մտածող էակն է: Նա ունի նաև խոսելու և աշխատելու ունակություն: Դրանց շնորհիվ մարդը ստեղծել է յուրօրի­նակ աշխարհ՝ ժամանակակից քաղաքներ և գյուղեր, գործարաններ և ֆաբրիկաներ, ճանապարհներ և կամուրջներ, ավտոմեքենաներ և տիեզերանավեր, հեռուստացույցներ և համակարգիչներ: Մարդիկ գրում են գրքեր, նկարահանում ֆիլմեր, ստեղծում քանդակներ, երաժշտություն, նկարներ: Նրանք ուսումնասիրում են բնությունը, նրա գաղտնիքները: Որպես սնունդ մարդն օգտագործում է բու­սական և կենդանական ծագում ունեցող սննդա­մթերք: Դրա համար նա մշակում է հողը՝ աճեց­նելով տարբեր բույսեր, պահում է ընտանի կեն­դանիներ, որսում ցամաքում և ջրում ապրող կենդանիներ: Ապրելով և աշխատելով բնության մեջ՝ մարդն անխուսափելիորեն ներգործում է բնության վրա և փոխում այն: Օրինակ՝ մարդու մեղքով անհետացել և անհետանում են բազմաթիվ կենդանիներ և բույսեր, ջրերն ու հողը աղտոտվում են թունավոր նյութերով, օդում հայտնվում են կենդանի օրգանիզմների համար վտանգավոր նյութեր: Մարդը չի կարող չօգտվել բնությունից, սակայն նա միաժամանակ պետք է հոգ տանի նաև դրա պահպանման համար: Գոյություն ունեցող բույսերի և կենդանիների պահպանության համար ստեղծվում են պետության կողմից պահպանվող տարածքներ՝ արգելոցներ: Հազվագյուտ և անհետացման եզրին գտնվող բույսերի և կենդանիների անունները մտցվում են հատուկ՝ Կարմիր գրքերի մեջ: Մարդը չպետք է մոռանա, որ ինքը բնության մի մասն է և ոչնչաց­նելով բնությունը՝ կործանման է դատապարտում ինքն իրեն:

Հարցեր և առաջադրանքներ

  1. Ինչո՞վ է մարդը տարբերվում կենդանիներից:

Մարդը կարողանում է մտածել և ունի աշխատալու ունակություն:

2.Ինչ չափով է մարդը կախված բնությունից: Բեր օրի­նակներ:

Մարդը բնության մի մասն է: Մարդը չի կարող ապրել առանց օդ, ջրի, լույիս, ջերմության և սնուդի:

Օրինակ՝ Մարդը չի կարող ապրել առան օդի:

3.Ինչպե՞ս է մարդը ներգործում բնության վրա: Բե’ր օրի­նակներ:

Ապրելով ու աշխատելով մարդը ներգործում է բնության վրա: Օրինակ՝ կենդանիներ է որսում, թունավորմ է օդը: Ավտոներ է պատրաստում, որոնք թունավորում են օդը:

4.Ինչպե՞ս է մարդը պահպանում բնությունը: Բեր օրի­նակներ:

Ստեղծում է արգլոցներ և պահպանվող տարծքներ և Կարմիր գրքի մեջ գրում է անհետացման եզրին գտնվող կենդանիների և բույսերին:

Share this:

https://widgets.wp.com/likes/index.html?ver=20220105#blog_id=61316583&post_id=5290&origin=shalexsanyan.wordpress.com&obj_id=61316583-5290-63275340ef096

Похожее

Ինչպե՞ս է մարդը վերափոխում շրջակա աշխարհը13 марта, 2019В “Բնագիտության ընթերցարան 4-րդ դասարան”

ԿԵՆՍՈԼՈՐՏ, ՆՐԱ ԲԱՂԱԴՐԻՉՆԵՐԸ7 апреля, 2019В “Բնագիտության ընթերցարան 5-րդ դասարան”

Leave a Reply

Your email address will not be published. Required fields are marked *